امریکی سکول ٹیچر کا بچوں کیلئے انوکھا اقدام

نیویارک (99 نیوز) نارتھ چارلسٹن کی ایک رحم دل استانی نے اپنے سکول کے بچوں کو خوشیاں دینے کیلئے انہیں سائیکلیں فراہم کردیں جس سے بچے پھولے نہیں سما رہے۔ امریکی شہر نارتھ چارلسٹن کی ایک رحم دل استانی نے اپنے سکول کے بچوں کو خوشیاں دینے کیلئے انوکھا اقدام کرتے ہوئے انہیں سائیکلیں فراہم کردیں جس سے بچےپھولے نہیں سما رہے۔ نارتھ چارلسٹن میں واقع پیپرہِل ایلیمنٹری سکول میں پہلی جماعت کی ٹیچر کیٹی بلوم کوئسٹ نے بچوں کیلئے سائیکلیں خریدنے کا فیصلہ کیا جس کیلئے انہوں نے 80 ہزار ڈالر کی رقم انٹرنیٹ مہم کے ذریعے جمع کی اور 650 بچوں کو نئی چمچماتی سائیکلیں دیں،ستمبر 2016 کو کیٹی نے ویب سائٹ “گوفنڈمی” پر اپنی مہم کا آغاز کیا اس حوالے سے خاتون ٹیچر کا کہنا ہے کہ یہ انکے خواب سے بھی ہزار گنا خوبصورت تعبیر تھی اور وہ بچوں سمیت انکے اہلخانہ کے ہونٹوں پر خوشیاں بکھیرنا چاہتی تھیں۔خاتون ٹیچر کی تشہیری مہم بہت مقبول ہوئی اور صرف 3 ماہ میں 80 ہزار ڈالر کی رقم جمع ہوگئی، تمام بچوں کو سائیکل کے رنگ والے لاک بھی دیئے گئے اور سر پر پہننے والے ہیلمٹ بھی اسی رنگ کے تھے،ماہرین کے نزدیک سائیکل چلانے سے بچوں میں ڈپریشن کم ہوتا ہے اور وہ بہتر انداز میں کام کرسکتے ہیں

اپنا تبصرہ بھیجیں