کراچی: پی ایس پی کا احتجاجی کیمپ ختم، 14 مئی کو مارچ کا اعلان

کراچی: (ٹیسکو نیوز) مصطفیٰ کمال نے 14 مئی کو کراچی میں ملین مارچ کا اعلان کر دیا، کہتے ہیں حکمرانوں سے کوئی ڈیل نہیں ہو سکتی، حقوق کے لئے آخری حد تک جائیں گے۔ پی ایس پی نے کراچی پریس کلب کے باہر احتجاجی کیمپ ختم کر دیا۔ پی ایس پی کے سربراہ مصطفیٰ کمال نے کارکنوں سے خطاب کرتے ہوئے کہا کہ احتجاج کا پہلا مرحلہ مکمل ہو گیا ہے اور اب ہمیں دوسرے مرحلے کا آغاز کرنا ہے۔ انہوں نے 14 مئی کو 10 لاکھ افراد کے ساتھ مارچ کرنے کی کال بھی دے دی۔ مصطفیٰ کمال نے کہا ہے کہ اگر چاہیں تو کراچی بند کر سکتے ہیں لیکن ایسا نہیں کریں گے۔ انہوں نے کہا کہ احتجاج کا طریقہ کار تبدیل کر دیا ہے لیکن 16 نکات تبدیل نہیں ہوں گے۔ پی ایس پی سربراہ کا مزید کہنا تھا کہ عوام کو حقوق ملنے تک جدوجہد جاری رہے گی