شاہد کپور کی بیٹی میشا کی نئی تصاویر سوشل میڈیا پر وائرل

ممبئی: (99 نیوز) بالی ووڈ سٹار شاہد کپور نے اپنی بیٹی میشا کی نئی تصاویر سوشل میڈیا پر جاری کی ہیں جنھیں مداحوں کی جانب سے بڑی پسندیدگی کی نگاہ سے دیکھا جا رہا ہے۔ بھارتی فلم انڈسٹری کے اداکار شاہد کپور نے اپنی صاحبزادای میشا کی نئی تصاویر کو سوشل میڈیا ویب سائت انسٹاگرام کے ذریعے اپنے مداحوں کے ساتھ شیئر کیا ہے۔ ان میں سے ایک تصویر میں شاہد کپور اپنی بیٹی میشا کے ساتھ پول میں بیٹھے اس کے ساتھ پیار اور شفقت کا اظہار کر رہے ہیں۔ انڈین میڈیا رپورٹس کے مطابق خواہ کتنی بھی مصروفیت ہو شاہد کپور اپنی ننھی بیٹی میشا کو اپنے والدین سے ملوانے ضرور لے جاتے ہیں۔ خیال رہے کہ شاہد کپور ان دنوں معروف ہدایتکار سنجے لیلا بھنسالی کی فلم پدماوتی کی شوٹنگ میں مصروف ہیں۔ فلم میں شاہد کہور کے علاوہ دیپکا پڈوکون اور رنویر سنگھ بھی اہم کرداروں میں نظر آئیں گے۔