عمران فاروق کیس: سکاٹ لینڈ یارڈ نے ایف آئی اے کو تعاون کا گرین سگنل دیدیا

اسلام آباد ( ٹیسکو نیوز) ڈاکٹر عمران فاروق کے قتل کی تحقیقات کیلئے سکاٹ لینڈ یارڈ نے ایف آئی اے کو تعاون کا گرین سگنل دیدیا، کیس کے اہم گواہوں سے تفتیش کیلئے ایف آئی اے ٹیم لندن جائے گی۔ ذرائع کے مطابق، عمران فاروق کے قتل کی تحقیقات کے لئے برطانیہ جانے والی ٹیم میں ایف آئی اے کے تین اعلیٰ افسر شامل ہوں گے۔ تفتیش میں برطانوی تعاون کیلئے ایف آئی اے کئی ماہ سے پاکستان میں سکاٹ لینڈ یارڈ کے نمائندے سے رابطے میں ہے۔
ایف آئی اے نے سکاٹ لینڈ یارڈ سے لندن میں ملزمان کی رہائش کا بندوبست کرنے والے اور جائے وقوعہ تک لے جانے والے ٹیکسی ڈرائیور سمیت 23 گواہوں تک رسائی دینے اور عمران فاروق کی پوسٹ مارٹم رپورٹ شیئر کرنے کی درخواست کی ہے۔