اقوام متحدہ کی جانب سے اسرائیل مظالم کی مذمت نہ کرنا باعث افسوس ہے: ملیحہ لودھی

نیویارک : اقوام متحدہ میں پاکستان کی مستقل مندوب ملیحہ لودھی نے کہا ہے کہ پاکستان فلسطینیوں سے اظہار یکجہتی کرتا ہے فلسطینیوں کے قتل عام پر اسرائیلی اقدام کی شدید مذمت کرتے ہیں اقوام متحدہ کی جانب سے اس اقدام کی مذمت نہ کرنا باعث افسوس ہے۔

جمعرات کو اسلامی کانفرنس تنظیم کے سفیروں کا ہنگامی اجلاس ہوا۔ اقوام متحدہ میں پاکستان کی مستقل مندوب ملیحہ لودھی نے اجلاس سے خطاب کرتے ہوئے کہا کہ فلسطینیوں کے قتل عام پر اسرائیل کی شدید مذمت کرتے ہیں۔

پاکستان فلسطینیوں سے اظہار یکجہتی کرتا ہے۔ اقوام متحدہ کی جانب سے اسرائیل کی مذمت نہ کرنا باعث افسوس ہے۔ امریکی سفارتخانہ کی منتقلی کے خلاف فلسطینی پرامن احتجاج کر رہے تھے۔ سلامتی کونسل نے بھی اسرائیل مظالم کے خلاف بیان تک جاری نہ کیا۔ 14 ارکن کی جانب سے بلایا جانے والا سیکیورٹی کونسل اجلاس امریکہ نے بلاک کر دیا۔