محمد عباس لیسٹر شائر کاؤنٹی کا بہترین باؤلنگ پرفارمنس کا ایوارڈ لے اڑے

لندن :انگلینڈ میں موجود پاکستان کرکٹ ٹیم کے دائیں ہاتھ کے فاسٹ باﺅلر محمد عباس کو لیسٹر شائر کاؤنٹی کا بہترین باؤلنگ پرفارمنس کا ایوارڈ مل دیدیا گیا ہے۔

تفصیلات کے مطابق محمد عباس کو لیسٹر شائر کاؤنٹی ایوارڈز میں بہترین کارکردگی دکھانے پر کرکٹرز کو ایوارڈ ز تقریب کے موقع پر باؤلنگ میں بہترین کارکردگی دکھانے پر ایوارڈ سے نوازا گیا۔خیال رہے کہ 28 سالہ محمد عباس نے کاؤنٹی سیزن میں 50 وکٹیں حاصل کیں جبکہ ڈرہم کے خلاف انہوں نے 10 وکٹیں حاصل کیں۔

واضح رہے کہ لیسٹر شائر کاؤنٹی اگلے سیزن کے لیے بھی محمد عباس سے معاہدہ کرچکی ہے۔محمد عباس کاﺅنٹی چیمپئن شپ اور ون ڈے کپ کھیلیں گے۔قومی فاسٹ باﺅلر کو آسٹریلیا کے خلاف ٹیسٹ سیریز کیلئے بھی منتخب کیا گیا ہے اور وہ دبئی میں ٹیم کو جوائن کریں گے۔